Qyrǵyzstanda «Ózbekstannyń ıslam qozǵalysy» atty lańkestik uıymnyń múshesi ustaldy
BІShKEK. 13 shilde. QazAqparat /Arnur Rahymbekov/ - Qyrǵyzstan Memlekettik qaýipsizdik komıtetiniń aqparaty boıynsha, Bishkek qalasynda «Ózbekstannyń ıslam qozǵalysy» atty halyqaralyq lańkestik uıymnyń múshesi Nızamı Ábıev qolǵa tústi.
Qyrǵyz Respýblıkasy arnaıy qyzmetiniń málimetterine súıensek, 12 shilde kúni júrgizilgen jedel-izdestirý sharalarynyń barysynda Tájikstan Respýblıkasynyń izdeýinde júrgen «Ózbekstannyń ıslam qozǵalysy» atty uıymnyń múshesi, 1986 jyly týylǵan, Daǵystan Respýblıkasynyń týmasy, Reseı azamaty Nızamı Ábıev qolǵa tústi.
N.Ábıev Reseı, Ózbekstan jáne Aýǵanstan azamattarynan quralǵan bir top sottalýshylardyń 2010 jyldyń 23 tamyzy kúni Dýshanbe qalasynyń tergeý-oqshaýlaý orynynan qashýyna qatysy bar bolýy múmkin. Sol oqıǵa kezinde Tájikstan Respýblıkasy quqyq qorǵaý organdarynyń birneshe qyzmetkeri qaza tapqan edi.
Nızamı Ábıevke adam óltirdi, qylmystyq qaýymdastyq uıymdastyrdy, qarý, oq-dári, jarylǵysh zattar urlady jáne memlekettik shekaradan zańsyz ótti degen aıyptar taǵylaýda.
