Qyrǵyzstanda óz ıtin atyp tastaǵan jigit jaýapqa tartyldy
ASTANA. QazAqparat - Qyrǵyzstandaǵy Jalal-Abad oblysynyń tártip saqshylary úı janýaryna jasaǵan qatygezdik faktisi boıynsha qylmystyq is qozǵady, dep habarlaıdy QazAqparat «Kabar» agenttigine silteme jasap.
Áleýmettik jelilerde taraǵan vıdeoda, belgisiz jigit úıiniń aýlasynda tórt aıaqty dosyn qatygezdikpen atyp óltirgeni kórsetiledi. Esh shimirikpesten úı janýaryn óltirgen jigittiń vıdeosy qoǵamda narazylyq týdyrdy. Osyǵan baılanysty, jergilikti ІІB tekserý jumystaryn júrgizgen bolatyn.
Anyqtalǵandaı, atyshýly vıdeo osy jyldyń qyrkúıek aıynda Jalal-Abad oblysy, Sozaq aýdanynda túsirilipti. 1997 jylǵy A.Sh tártip saqshylaryna bergen túsiniktemesinde, Alabaı tuqymdy ıtiniń aýrý bolǵanyn, taýyqtardy qyryp, adamdardy qapqanyn aıtyp aqtalǵan.
Al ıtti atyp óltirgen «Vepr» myltyǵy jigittiń ákesine tıesili bolyp shyqty.
Atalǵan fakt negizinde jınaqtalǵan qujattarǵa sáıkes, 1997 jylǵy azamattyń ústinen qylmystyq is qozǵaldy. Qazir tergeý jumystary júrip jatyr.
