Qyrǵyzstanda oryn alǵan oqıǵalardan keıin Almatyda qyrǵyz mıgranttardyń sany kúrt ósti
ASTANA. 27 qarasha. QazAqparat /Marlan Jıembaı/ -Qyrǵyzstanda oryn alǵan oqıǵalardan keıin Almatyda qyrǵyz mıgranttardyń sany kúrt ósti.Bul derekti búgin Elordada ótip jatqan EQYU Sammıti qarsańyndaǵy Sholý konferentsııasynyń «Mıgranttarǵa qatysty tózimsizdik» sessııasynda sóz alǵan ál-Farabı atyndaǵy Qazaq ulttyq ýnıversıtetiniń professory Láılá Ahmetova keltirdi.
Kórshi Qyrǵyzstanda aǵymdaǵy jyly oryn alǵan oqıǵalardan keıin Almatyda atalǵan elden kelgen mıgranttardyń sany kúrt óskendigin atap ótken L.Ahmetovanyń aıtýynsha, olardyń basym bóligi bazarlarda jumys isteıdi.
Al ońtústiktegi bas qaladaǵy ózbek mıgranttarynyń sany kemı túsken. «Sońǵy derekter boıynsha, Almatyda qurylysshy ózbekter aǵyny birshama tómendedi. Degenmen olar áli bar jáne saıajaılar salyp, qurylys jumystaryna aralasýda. Alaıda buǵan deıingi mol nópir joq», - dedi ol.
Sondaı-aq ol «Áriptes» ÚEU Almaty konfederatsııasynyń quramynda 539 úkimettik emes uıymnyń kiretindigin atap ótti. Onyń aıtýynsha, osy konfederatsııasynyń bastamasymen elimizdegi kóshi-qonǵa arnalǵan jalǵyz saıt qurylǵan. Odan atalǵan taqyrypqa qatysty túrli aqparattardy alýǵa bolady.
