Qyrǵyzstanda «Ortalyq Azııanyń altyn kitaby» álemniń 30 tilinde jaryqqa shyqty
«ıAngı ovoz»(jańa daýys) Ortalyq Azııa jazýshy jáne tarıhshylary odaǵynyń tóraǵasy Joldoshbek Monoldorov Shyǵystyń 7 juldyzynyń biri, kúlli túrkige ortaq aqyn Álisher Naýaıdiń 580 jyldyǵyna arnap daıyndaǵan «Zolotaıa knıga Tsentralnoı Azıı» atty kitap Bishkek qalasynan álemniń 30 tilinde jaryq kórdi.
Kitaptyń jaryqqa shyǵýyna Qazaqstan, Reseı, Belarýs, Tájikstan, Ózbekstan, Qyrǵyzstan Jazýshylar odaǵy, Mıýnhendegi Dúnıejúzi Jazýshylar odaǵy, Býdapeshttegit Halyqaralyq orystildi Jazýshylar federatsııasy qoldaý kórsetken.
Joba jetekshisi – Joldoshbek Monoldorov, joba dırektory – Gúlmıra Abykeeva.
Qyrǵyz aqyndary shyǵarmashylyǵy jónindegi ádebı redaktor- Kýchýbek Kachıbekov, qazaq aqyndary shyǵarmashylyǵy jónindegi ádebı redaktor – Erjan Alashtýǵan, orys aqyndary jónindegi ádebı redaktor – Jamılıa Akylbekova.
Atalmysh týyndyǵa Qazaqstan tarapynan Muhtar Shahanov, Temirhan Medetbek, Serik Aqsuńqaruly, Meıirhan Aqdáýletuly, Shahızada Ábdikárimov, Esenǵalı Raýshanov, Sabyr Adaı, Svetqalı Nurjan, Gúlnar Salyqbaı,Ahmet Ómirzaq, Baýyrjan Babajanuly, Maraltaı, Gúlimaı Qýanysheva, Baqytjan Aldııar, Aqberen Elgezek syndy 56 aqynnyń óleńderi engen.
