Qyrǵyzstanda oppozıtsıonerler memlekettik tóńkeris jasamaq bolǵan
BІShKEK. QazAqparat - Qyrǵyz arnaıy qyzmet ókilderi «Eldik parlament» oppozıtsııalyq qoǵamdyq birlestiginiń kóshbasshysy Bekbolot Talgarbekov, Torobaı Kolýbaev jáne Marat Sýltanovqa qatysty qylmystyq is qozǵady.
Olar bılikti basyp alýǵa daıyndaldy degen kúdik týdyrdy. Bul týraly Qyrǵyz Respýblıkasy Memlekettik Ulttyq qaýipsizdik komıtetiniń baspasóz qyzmetinen habarlandy.
Qylmystyq is Qyrǵyzstannyń QK 27-295 («Bılikti kúshpen basyp alýǵa daıyndalý») jáne 27-341 («Bılik ókiline kúsh qoldanýǵa daıyndalý») baptary boıynsha qozǵaldy.
Qyrǵyzstannyń MUQK aqparatynsha, tergeýaldy jınalǵan materıaldarǵa sáıkes, atalǵan tulǵalar eldegi qoǵamdyq-saıası jaǵdaıdy turaqsyzdandyrýǵa keıin kúshpen bılikti tartyp alýǵa baǵyttalǵan shara uıymdastyrmaq bolǵan. Sondaı-aq, olar laýazymdy tulǵalarǵa qarý qoldanyp, shabýyl jasaýdy oılastyrǵan.
Jergilikti BAQ pen áleýmettik jelilerde «Eldik parlament» qozǵalysy lıderleri men belsendileriniń kelissózderi jazylǵan aýdıojazba bólikteri jarııalandy.
Qazir Qyrǵyzstannyń MUQK qylmystyq is aıasynda tıisti tergeý amaldaryn júrgizip jatyr.
