Qyrǵyzstanda ómir boıyna bas bostandyǵynan aıyrylǵandar ashtyq jarııalady
BІShKEK. Kabar-QazAqparat – Qyrǵyzstanda ómir boıyna bas bostandyǵynan aıyrylǵandar ashtyq jarııalady, dep habarlaıdy Kabar agenttigi Qyrǵyz Respýblıkasy Memlekettik jazany oryndaý qyzmetiniń (MJOQ) baspasóz qyzmetine silteme jasap.
MJOQ deregi boıynsha, sottalýshylar jańa zańnamanyń engizilýine baılanysty ómir boıyna kesilgen úkimdi qaıta qaraýdy talap etýde. Alaıda, vedomstvo olardyń talabyn orynsyz dep atady.
«Zańǵa sáıkes ómir boıy bas bostandyǵynan aıyrý túrindegi jazaǵa tartylǵan adamdarǵa qatysty sot úkimderi, eger jańa Qylmystyq kodekste osy áreketi úshin ómir boıyna bas bostandyǵynan aıyrý kózdelgen bolsa, qaıta qaralmaıdy», - dep atap ótti baspasóz ortalyǵynan.
Memlekettik qyzmette habarlaǵandaı, qyzmetkerler arnaıy kontıngentpen túsindirý jumystaryn júrgizip, ashtyqty toqtatýdy surap jatyr.
Qyrǵyzstan túrmelerinde 347 adam ómir boıyna sottalǵan.
Foto: Sputnik.kg