Qyrǵyzstanda oqýǵa túsýde memlekettik tildi meńgergender basymdyqqa ıe bolady
BІShKEK. QazAqparat - Qyrǵyzstan bilim jáne ǵylym mınıstrligi túlekterdi joǵary oqý ornyna irikteý týraly erejege memlekettik tildi meńgerý deńgeıi týraly sertıfıkaty bar túlekterge basymdyq berý týraly ózgeris engizý máselesin qarastyryp jatyr. Bul týraly «Kabar» agenttigi vedomstvonyń baspasóz qyzmetine silteme jasap habarlaıdy.
Qyrǵyzstan Respýblıkasy úkimetiniń qaýlysyna sáıkes, jalpyrespýblıkalyq testileýden birdeı ball alǵan túlekterdiń ishinde joǵary oqý ornyna túsý granty memlekettik tildi meńgerý deńgeıi týraly sertıfıkaty bar talapkerge beriledi.
Mınıstrlik deregi boıynsha, 2019 jyly testti talapkerler óz erikterimen tapsyratyn bolady.
Mektep oqýshylary bıyl 1 naýryzdan bastap Qyrǵyztest saıtynda synama test tapsyra alady.
