Qyrǵyzstanda Naryn ózeni tasyp, tótenshe jaǵdaı jarııalandy
ASTANA. QazAqparat – Jalal-Abad oblysynyń Togýz-Toroý aýdanynda ІІІ dárejeli tótenshe jaǵdaı rejımi engizildi, dep habarlaıdy QazAqparat Qyrǵyzstannyń Kabar aqparat agenttigine silteme jasap.
Qyrǵyzstan Tótenshe jaǵdaı mınıstrliginiń habarlaýynsha, Naryn ózeninde sý deńgeıi kóterilip, 200 úı, aýyl sharýashylyǵyna paıdalanatyn jerdiń 16 gektary men áýejaıdyń ushyp-qoný jolaǵyn sý basý qaýpi bar.
Osyǵan baılanysty aýdandyq azamattyq qorǵanys komıssııasynyń dabyly jarııalandy. Oblystyq Azamattyq qorǵanys basshysy A.Syrǵabaev pen TJM basqarma basshysy A.Zakırovtyń tóraǵalyǵymen ótken shtab otyrysynda III dárejeli TJ rejımin engizý týraly sheshim qabyldandy.
Ózen arnasyn dáldeý jumystary júrgizilýde, oǵan arnaıy tehnıka tartyldy.
