Qyrǵyzstanda nan baǵasy qymbat - sarapshy (FOTO)
BІShKEK. QazAqparat - Jetkizýshiler qaýymdastyǵynyń tóraıymy Gúlnar Óskenbaevanyń sózine qaraǵanda, Ózbekstanda nan baǵasy kóterińki.
«Nan baǵasy qymbat ekeni fakt. Un tartýshylardyń aqparatynsha, un baǵasy 30% arzandady. Negizgi ónim quny tómendese, nannyń baǵasy da shamamen 25% arzandaýy tıis», - dep sanaıdy G. Óskenbaeva.
Sarapshy memleket un baǵasyn rettep otyrǵanyn, alaıda tutynýshyǵa jetkiziletin ónimniń qunyn baqylaýǵa qaýqarsyz ekenin atap ótti.
QazAqparat tilshisi Qyrǵyzstanda belgili birneshe ámbebap dúkenderin aralap, jergilikti nan, un men makaron ónimderiniń baǵasyna monıtorıng júrgizdi.
«Madına» juqa nanynyń eń tómengi baǵasy 15 som, «Moskovskıı» nany 16-17 somnan satylyp jatyr. Nan baǵasy shamamen 20 somnan 60 somǵa deıin boldy. Kópshilikke tanymal «Borodınskıı» batony 44 somnan, «Elıta» batony 60 somnan saýdalanyp jatyr.
Qalanyń saýda jelilerinde qazaqstandyq un men makaron ónimderiniń quny birdeı bolyp shyqty. Aıyrmashylyǵy tek 2-3 somdy qurady.
