Qyrǵyzstanda mıtıngige shyqqandar Joǵarǵy sotqa basyp kirmekshi boldy (FOTO)
BІShKEK. QazAqparat - Bishkekte búgin 2010 jylǵy sáýirdegi oqıǵada zardap shekkenderdi, olardyń týystaryn qoldaýda «Aıkol-Ala-Too» qoǵamdyq birlestigi uıymdastyrǵan narazylyq aktsııasy barysynda sot bıliginiń sheshimine narazy mıntıngige qatysýshylar metall qorshaýdan ótip, Joǵarǵy sot ǵımaratyna kirýge tyrysty.
Júzdegen halyq budan buryn sottalǵan arnaıy qyzmet qyzmetkerleriniń úkimin jumsartýǵa qatysty joǵarǵy sot ınstatsııasynyń sheshimine narazylyq tanytty.
Sáýir oqıǵalarynyń qatysýshysy Kýbanychbek Sharshenbaevtyń aıtýynsha, mıtıngke 7 sáýirde zardap shekken, qaza tapqan adamdardyń týystary shyqqan.
«Biz munda Joǵarǵy sot basqa satydaǵy sot sheshimderin joısyn dep keldik. Sońǵy sheshim 20 shildede qabyldanady. Biz mindetti túrde kelemiz, budan da kóp halyq jınaımyz. Qyrǵyzstanda eshqandaı raqymshylyq joq. Olar shyǵyp, qandaı raqymshylyq qoldanǵanyn aıtsyn. Olar «Alfa» áskerin aqtady: eger adamdarǵa olar oq atpasa, kim atty? Olar jappaı halyqty óltirgen qylmyskerlerdi aqtamaq», - dedi ol.
Olarǵa jaýap berýge shyqqan sáýir oqıǵalary týraly iste tóraǵalyq etetin Joǵary sot tóraǵasynyń orynbasary Kachyke Esenkanov 27 maýsymǵa belgilengen isti qaraý tórt sottalýshynyń advokaty bolmaýyna baılanysty keıinge qaldyrylǵanyn málimdedi. Kelesi otyrys 20 shildede ótedi. Sýdıalar qylmystyq is materıaldaryn zerdeleýi qajet. Ol sondaı-aq Qyrǵyzstan Áskerı soty jeti jazasyn óteýshige qatysty raqymshylyq qabyldaǵanyn aıtty. Alaıda Joǵarǵy sot sheshimine deıin raqymshylyqty oryndaý toqtatylǵan.
