Qyrǵyzstanda mıtıngige shyqqandar qamaýǵa alyndy

Bul aqparatty RBK agenttigi el úkimetiniń baspasóz qyzmetine silteme jasap habarlady.

Baspasóz qyzmeti ókiliniń aıtýynsha, Ý.Baryqtabasovpen birge onyń birneshe jaqyn jaqtaýshylary ustalǵan.

Ý.Baryqtabasovtyń jaqtaýshylarynyń mıtıngisi keshe tańerteń Bishkekte Gorkıı atyndaǵy saıabaqta bastaldy. 3 myńdaı adam jınalǵan top keıinnen el parlamenti ǵımaratynyń aldyndaǵy alańǵa aýysty. Al sol ýaqytta Balyqsha qalasynan Bishkekke qaraı Ý.Baryqtabasovtyń jaqtaýshylary mingen avtokolonna attandy, olardy qala irgesinde tártip saqshylary toqtatty. Adamdardy taratý úshin polıtseıler arnaýly jaraqtar qoldanýǵa májbúr boldy, deıdi derek kóz.

Esterińizge sala keteıik, Qyrǵyzstanda Ý.Baryqtabasovtyń ústinen tóńkeris jasamaq bolǵan áreketine baılanysty qylmystyq is qozǵalǵan. 2005 jyldyń shilde aıynda onyń saıasatyn jaqtaýshylar Bishkektegi úkimet ǵımaratyn az ýaqytqa basyp alǵannan keıin, onyń ústinen is qozǵalǵan edi. Bul oqıǵa Ý.Baryqtabasovqa prezıdenttik saılaýǵa qatysýǵa múmkidik berilmegennen keıin bolǵan.

Іs qozǵalǵannan keıin kásipker elden qashyp ketip, bıyl shilde aıynda, Qyrǵyzstannyń ońtústigindegi tártipsizdikter bastalǵan kezde elge qaıta oralǵan.