Qyrǵyzstanda meshit qulady: zardap shekkenderdiń sany 50-den asady
ASTANA. QazAqparat - Qyrǵystannyń ońtústiginde ornalasqan Lenın aýylyndaǵy meshit opyrylyp tústi. Ol kezde musylmandar ǵıbadat etetin orynda 700-ge tarta musylman minájat etip otyrǵan bolatyn, dep habarlaıdy RBK.
Oqıǵa oryn alar kezde ekinshi qabatta shamamen 150 adam bolǵan. Mundaı júktemeden shydamaǵan bolsa kerek, ekinshi qabat pen birinshi qabat arasyndaǵy beton omyrylyp ketti. Abyroı bolǵanda qaza tapqandar joq. Degenmen 56 adam jaraqat alǵan. Bireýi aýyr halde aýrýhanada jan saqtaý bóliminde jatyr. Qazirgi ýaqytta oqıǵa ornynda qutqarýshylar, dárigerler men mılıtsııa jumys istep jatyr.
Oqıǵaǵa oraı, Qyrǵyzstan musylmandar dinı basqarmasy XIX-XX ǵasyrlarda salynǵan meshitterge tekseris jasap jatyr.
