Qyrǵyzstanda Memlekettik ánurannyń mátinin aýystyrady
ASTANA. 2 qyrkúıek. QazAqparat - Qyrǵyzstanda Memlekettik ánurannyń mátini aýystyrylady. Bul týraly memlekettik rámizderdi aýystyrý jónindegi depýtattyq komıssııanyń tóraǵasy, «Ar-Namys» fraktsııasynyń múshesi Abdyrahman Mamatalıev málim etti, dep habarlaıdy «24.kg» aqparat agenttigi.
Onyń aıtýynsha, jumys toby ánuran mátinindegi 5-6 sózdiń ekiushty maǵyna berip, naqty ornynda turmaǵandyǵyn anyqtaǵan. Endi osy sózderdi qulaqqa jaǵymdy, mándi de mazmundy sózdermen aýystyrý kerektigi aıtylǵan.
«Ánuran mátininiń avtory jumys komıssııasynyń pikirimen kelisetindigin bildirdi. Sondyqtan biz bul máseleni qyrkúıek aıynyń kúntizbelik josparyna engizip qoıdyq», - dedi Abdyrahman Mamatalıev.
