Qyrǵyzstanda mal salyǵyn engizý usynyldy

BІShKEK. QazAqparat - Qyrǵyzstanda aýyl sharýashylyǵy janýarlaryna salyq engizý usynyldy. Tıisti zań jobasy qoǵamdyq talqylaýǵa shyǵaryldy, dep habarlaıdy QazAqparattyń menshikti tilshisi Qyrǵyzstan Respýblıkasy Jogorký Keneshiniń saıtyna silteme jasap.

Qyrǵyzstan Respýblıkasynyń Salyq kodeksine engizilgen ózgertýlerge sáıkes, aýyl sharýashylyǵy janýarlaryna (jylqy, sıyr, qoı, eshki) jylyna bir ret kelesi mólsherde salyq tóleý qarastyrylǵan: qoı men eshkige – 100 som (500 teńgeden joǵary), iri qara – 250 som (1270 teńge), jylqy – 250 som (1270 teńge).

Ózgerister 40-tan astam qoı-eshki, 3 bas sıyr jáne 2 jylqysy bar mal ıelerine qatysty bolady. Aýyl sharýashylyǵy janýarlaryna salyq tóleıtin tulǵalar jaıylymdyq jerlerdi paıdalanǵany úshin tólemnen bosatylady.

Barlyq qarajat jergilikti ózin-ózi basqarý organdarynyń bıýdjetine túsip, jergilikti mańyzy bar máselelerdi sheshýge, sonyń ishinde veterınarlarmen qamtamasyz etý, maldy vaktsınatsııalaý, jaıylymdyq ınfraqurylymdy jaqsartýǵa jumsalady.