Qyrǵyzstanda laı kóshkininen 6 adam qaza tapty (FOTO)
BІShKEK. QazAqparat - Qyrǵyzstannyń Djalal-Abad oblysy Sozaq aýdanynda laı kóshkininen 6 adam qaza tapty. Bul týraly Qyrǵyzstannyń Tótenshe jaǵdaılar mınıstrliginen habarlady.
«24 mamyrǵa qaraǵan túni saǵat 01:49 Djalal-Abad oblysy Sozaq aýdany Yrys selolyq okrýgi Kyrjol aýylynda kóshkin bolyp, bes úıdi basyp qaldy. Alty adam qaza tapqany anyqtaldy», - dep habarlady mınıstrlikte.
Úsh adamnyń máıiti tabylǵan. Olardyń ishinde 20 jastaǵy Elıza Alıbekova, 5 jasar Mıral Kalybekýýlý men onyń ápkesi bar. «12 adamdy jedel járdem alyp ketti. Qazir Attokýr Alıbekov, Jamılıa Seıdalıeva jáne 6 jastaǵy bala izdestirilip jatyr», - dedi TJM ókili. Oqıǵa ornynda TJM jedel qutqarý toby, aımaqtyq qorǵaý, medıtsınalyq jedel járdem, órt saqshylary izdestirý-qutqarý jumystaryn júrgizip jatyr. Qosymsha 20 qutqarýshy jiberildi. TJ mınıstri Kýbatbek Boronov pen onyń orynbasary Ravshan Rysbaev oqıǵa ornyna bardy.
