Qyrǵyzstanda laı kóshkini 45 úı men 4 áleýmettik nysandy basyp qaldy
ASTANA. QazAqparat - Qyrǵyzstannyń Osh oblysy Ózgen aýdanynda 45 turǵyn úı men 4 áleýmettik nysandy laı kóshkini basyp qaldy, dep habarlaıdy KABAR.
Qyrǵyzstan Respýblıkasy Tótenshe jaǵdaılar mınıstrliginiń baspasóz qyzmetinen habarlaǵandaı, áleýmettik nysandar arasynda feldsherlik-akýsherlik beket, meshit, 35 elektr baǵanasy, aýyl zıraty men mektep bar.
«Bul jerlerde turyp jatqan adamdardy budan buryn qaýipsiz jerge kóshirgen bolatynbyz. Barlyǵy 60 otbasy evakýatsııalanyp, TJM olarǵa arnaıy palatkalar bóldi. Qosymsha taǵy bir medıtsınalyq palatka tigildi. Bul laı kóshkini 21 sáýirden bastap tómen syrǵyp keledi, onyń jyldamdyǵy óte baıaý. Kúnine 1-2 metr shamasynda. Sondyqtan 23-24 sáýir kúnderi jergilikti turǵyndardy kóshirý týraly sheshim qabyldandy. Áleýmettik nysandarǵa toqtalar bolsaq, mektep pen balabaqsha qurylys materıaldary úshin tolyqtaı buzylyp, Jalpak-Tash aýylynyń aıyl-okmotine berildi», - dep túsindirdi TJM baspasóz qyzmetinen.
Topyraq massasynyń qozǵalysy udaıy baqylanyp otyr.
