Qyrǵyzstanda lańkestik jasaýǵa daıyndaǵan qarý-jaraqtyń jasyryn qoımasy tabyldy
BІShKEK. QazAqparat - Qyrǵyz arnaıy qyzmet ókilderi ótken aptada jedel-izdestirý sharalary kezinde osyǵan deıin joıylǵan lańkestik topqa tıesili qarý-jaraqtyń jasyryn qoımasyn tapty.
Bul týraly BAQ ókilderine Qyrǵyzstan Respýblıkasy Ulttyq qaýipsizdiginiń memlekettik komıteti habarlady.
Qoımadan AK-74 avtomaty men onyń 400 oǵy tabylyp, tárkilendi.
Eske sala keteıik, QazAqparat 10 jeltoqsanda Qyrǵyzstan Respýblıkasy Ulttyq qaýipsizdiginiń memlekettik komıtetiniń arnaıy qurylymdary «Archa-Beshık» turǵyn úı alqabynda Bishkek qalasy men Shý oblysynda birneshe terakt jasamaq bolǵan halyqaralyq lańkestik uıymnyń eki sodyryn joıǵany jaıly habarlaǵan bolatyn.
Qyrǵyzstan Respýblıkasy Ulttyq qaýipsizdiginiń memlekettik komıteti organdary qozǵalǵan qylmystyq is aıasynda Qyrǵyzstan aýmaǵyndaǵy lańkesterdiń ornyn izdestirip jatyr.
