Qyrǵyzstanda qyzylsha aýrýynyń taraýyna baılanysty dabyl qaǵýda
BІShKEK. QazAqparat - Qyrǵyzstanda qyzylsha aýrýynyń taraýyna baılanysty qolaısyz epıdemıologııalyq jaǵdaı atap ótilýde. Qyrǵyz eliniń Densaýlyq saqtaý mınıstrligi óziniń saıtynda qyzylsha aýrýynyń belgileri, onyń paıda bolý sebepteri jáne aýrýdyń aldyn alý sharalary jazylǵan jadynamany taratyp, el azamattaryn onyń paıda bolýynyń az da bolsa belgilerin baıqaǵan jaǵdaıda birden emdeý mekemelerine kelýdi suraıdy.
Vedomstvonyń baspasóz qyzmetinen habarlanǵandaı, qyzylsha aýrýynyń týyndaýynyń negizgi sebebi - ekpelerdi ótkizýden bas tartýǵa baılanysty tómen ımmýndyq qabat. Qyrǵyzstanda ekpe alýdan bas tartýdyń 6 myń 462 oqıǵasy tirkelgen. Sonyń ishinde dinı nanymdar boıynsha bas tartý oqıǵalary da bar.
«Qazirgi ýaqytta qalalyq otbasylyq medıtsına ortalyqtarynda ekpelerdiń jetkilikti dozasy bar - 200 myń. Qajettilik týyndasa, taǵy satyp alamyz. Ekpeler tegin jasalyp, mindetti bolyp tabylady», - dep atap ótti Bishkek qalalyq densaýlyq saqtaý departamentiniń dırektory A.Myrzaǵalıev.
