Qyrǵyzstanda qyzamyq pen qyzylsha juqtyrǵandar sany artyp jatyr
BІShKEK. QazAqparat – Qyrǵyzstanda jyl basynan beri qyzamyq pen qyzylshaǵa shaldyqqandar sany artyp keledi, dep habarlaıdy QazAqparattyń menshikti tilshisi Qyrǵyzstan Densaýlyq saqtaý mınıstrliginiń baspasóz qyzmetine silteme jasap.
Respýblıkalyq ımmýnoprofılaktıka ortalyǵynyń málimetinshe, 2023 jyldyń qańtarynan beri elde 41 adam qyzylshaǵa jáne 6 adam qyzamyqqa shaldyqqan.
Atap aıtqanda, Bishkek qalasynda – 8, Djalal-Abad oblysynda – 2, Osh oblysynda – 20, Osh qalasynda – 7, Batken oblysynda – 2, Shý oblysynda – 2.
Onyń negizgi sebebi – halyqtyń josparly vaktsınadan bas tartyp, profılaktıkalyq ekpeniń tómendeýi.
Vedomstvo qyzylsha men qyzamyqtyń aldyn alý jaıynda túsindirý jumysyn júrgizip jatyr, respýblıkaǵa qyzylsha men qyzamyq taralýynyń aldyn alý boıynsha epıdemııaǵa qarsy sharalar jalǵasýda.
Qyzylsha men qyzamyq ınfektsııalyq aýrýǵa jatady, ol negizinen aýa arqyly juǵady.
Qyzylsha belgileri mynadaı: konıýnktıvıt, jótel, muryn bitelýi, qaltyraý, dene qyzýynyń 38 gradýsqa kóterilýi, aýyz qýysynyń bórtýi, aýrýdyń 4-5 kúninen bastap denege kezeń-kezeńimen sýly qyzyl bórtpelerdiń shyǵýy, aldymen bas pen moıynnan bastalyp, keıin búkil denege taralady.
Qyzamyqta bas aýyryp, temperatýra 38 gradýsqa deıin kóteriledi, tamaq aýyrady, rınıt, tańdaıǵa bórtpe shyǵady, ıntoksıkatsııa bolmaıdy, jazǵysh bulshyqetterge, arqaǵa jáne bóksege kishkentaı bórtpeler shyǵady.
Qyzamyq pen qyzylshaǵa qarsy ımmýnızatsııa balalar men eresekterdi aýrýdan qoldaýdyń tıimdi tásilderiniń biri.
