Qyrǵyzstanda qylmyskerdi ustaý kezinde eki adam men arnaıy jedel áreket etý jasaǵynyń bir sarbazy qaza tapty
ASTANA. QazAqparat - 12 qazanda SIZO-50-den qashqan asa qaýipti qylmysker Altynbek Itibaevty Bishkekte ustaý kezinde eldiń ІІM arnaıy jedel áreket etý jasaǵynyń bir sarbazy men eki beıbit turǵyn qaza tapty.
"Interfakske" vedomstvonyń baspasóz qyzmetinen habarlaǵandaı, terrorıstik uıym múshesi Itibaevty ustaý úshin ІІM arnaıy qurylymdarynyń kúshimen qylmysker jasyrynǵan "Dostyq" shaǵynaýdanyndaǵy úıdi qorshaýǵa alý sheshimi qabyldandy.
"Arnaıy shara kezinde qylmysker qarýmen qatty qarsylyq kórsetti. Arnaıy jasaq sarbazdary asa aýyr qylmyskerdi óltirdi ",- dep atap ótti baspasóz qyzmetinde.
Shara barysynda Qyrǵyzstan ІІM arnaıy jedel áreket etý jasaǵynyń bir sarbazy men kórshi páterde turǵan eki azamat kóz jumdy.
Itibaev - 12 qazanda SIZO IK №50 túrmesinen qashqan 9 qylmyskerdiń biri. Olar qashqanda kolonııanyń úsh qyzmetkerin óltirip ketti, taǵy biri alynǵan jaraqattar saldarynan úsh kúnnen keıin kóz jumdy.
