Qyrǵyzstanda qylmys jasap, Qazaqstanǵa qaraı qashqan azamat ustaldy

TARAZ. QazAqparat - Jambyl oblysynda Qyrǵyzstanmen shekarada kisini jaraqattaǵany úshin izdeýde júrgen azamat shekarany zańsyz kesip ótpek boldy, dep habarlaıdy QazAqparat Ulttyq qaýipsizdik komıtetine silteme jasap.

2020 jylǵy 24 shildede Ulttyq qaýipsizdik komıteti shekara qyzmetiniń Jambyl oblysy boıynsha departamenti shekarashylary pılotsyz ushý apparatyn qoldanyp, erikti jasaqtyń kómegimen memlekettik shekarany buzǵan adamdy taýyp, ustady.

Mán-jaıdy anyqtaý barysynda atalmysh Qyrǵyz Respýblıkasynyń azamatyn kisi densaýlyǵyna qasaqana zııan keltirgeni úshin ishki ister organdary izdep jatqany belgili boldy.

Qazirgi kezde memlekettik shekarany zańsyz kesip ótý faktisi boıynsha tergeý amaldary júrip jatyr.