Qyrǵyzstanda Qurmanbek Bakıevtiń ınternet-betin ashqan adam bostandyqqa shyqty
ASTANA. Qyrkúıektiń 13-i. QazAqparat - Qyrǵyzstanda Qurmanbek Bakıevtiń ınternet-betin ashqan Ulybrıtanııa azamaty Výgar Halılov bostandyqqa shyqty. Bul jóninde Dıaspora isteri jónindegi Ázirbaıjan memlekettik komıtetine silteme jasaı otyryp, «24.kg» AA habarlaıdy.
Qyrǵyzstandaǵy Flexi Communications jarnama kompanııasyn qurýshy jáne onyń jetekshisi aqtaldy jáne bostandyqqa shyqty.
Výgar Halılov 2010 jylǵy sáýirdiń 12-sinde Bishkekte tutqynǵa alyndy, oǵan sáýirdiń 14-inde zańsyz jolmen aqsha tapty degen aıyp taǵyldy. Qamaýǵa alynǵan Halılov Qyrǵyzstannyń bılikten alastatylǵan burynǵy prezıdentiniń balasy Maksım Bakıevpen tyǵyz baılanysta bolǵany aıtylady.
Výgar Halılov 20 jyldan astam «Azattyq» jáne Bı-Bı-Sı radıosynda jumys istegen. Ol qurǵan Flexi Communications jarnama agenttigi Qyrǵyzstandaǵy jáne Ortalyq Azııadaǵy sheteldik kompanııalarǵa birlesken-qarjy kommýnıkatsııalary, marketıng, ved-árleý jáne basqa da sharalar salasynda qyzmetter kórsetti, sondaı-aq Qurmanbek Bakıevtiń ınternet-betin daıyndady
