Qyrǵyzstanda QR halyq ártisi Eskendir Hasanǵalıevtiń shyǵarmashylyq keshi ótti (FOTO)

BІShKEK. QazAqparat - Bishkekte T.Satylǵanov atyndaǵy Qyrǵyz memlekettik fılarmanoııasynda ánshi-kompozıtor, QR Memlekettik syılyǵynyń laýreaty, Batys Qazaqstan memlekettik ýnıversıtetiniń qurmetti professory, Qazaqstannyń halyq ártisi Eskendir Hasanǵalıevtiń shyǵarmashylyq keshi ótti.

Sheteldik dıplomatııalyq korpýs basshylary, qoǵamdyq jurtshylyq, shyǵarmashylyq zııaly qaýym jáne qazaq dıasporasynyń ókilderi qatysqan sharany Qyrǵyzstandaǵy Qazaqstan elshiligi uıymdastyrdy. Bul shyǵarmashylyq kesh Qazaq handyǵynyń 550 jyldyǵyna arnaldy.

Kontsertte ataqty ánshi zaıyby Darıkomen birge qosylyp án salyp, kórermenderiniń qoshemetine bólendi.

Shyǵarmashalyq keshte ánshi kompozıtordyń «Anaǵa sálem», «Gúl sezim», «Esińe al», «Eskirmegen mahabbat» jáne basqa da tanymal ánderi oryndaldy. Óner merekesi aqyn Qadyr Myrza-Áliniń sózine jazylǵan kompozıtordyń «Atameken» ánimen aıaqtaldy.

Qazaq dıasporasynyń ókili Erkin Bólekbaev E.Hasanǵalıevke tamasha óner keshi úshin alǵys aıtyp, Qyrǵyzstanda turatyn barlyq otandastarymyzdyń atynan kompozıtorǵa alǵyshat tapsyrdy. Sondaı-aq rıza kórermen gúl shoqtary men eskertkish syılyqtardy tartý etti.

Qazaq sahnasynyń ardagerin QR elshisi Aıymdos Bozjigitov quttyqtady. Keshtiń ótýine sondaı-aq «Gazprom Qyrǵyzstan» dırektory Bolot Ábildaev jáne «Qazmys Gold Qyrǵyzstan» kompanııasynyń bas dırektory Іlııas Tólekeev demeýshilik qoldaý kórsetti.