Qyrǵyzstanda koronavırýstan eki adam kóz jumdy, biri medıtsına qyzmetkeri
BІShKEK. KABAR – QazAqparat – Bishkektegi Respýblıkalyq ınfektsııalyq aýrýhanasynda 2 mamyr kúni COVID-19 koronavırýs anyqtalǵan 2 naýqas qaıtys boldy, dep habarlaıdy QazAqparat Kabar silteme jasap.
Respýblıkalyq shtabtyń habarlaýynsha, naýqastyń bireýi – medıtsına qyzmetkeri, №3 K.D.A. OMO otbasylyq dárigerler tobynyń basshysy, 58 jasta, ekinshi naýqas 69 jastaǵy Jalal-Abad oblysynyń turǵyny.
«Ekeýinde de eki jaqty pnevmonııa, tynys alýdyń jetkiliksizdigi, indettiń aýyr túri tirkeldi. Oǵan qosa, júrek jetkiliksizdigi, qant dıabeti, kóp aǵzalyq jetispeýshilik syndy qosymsha aýrýy bolǵan», - delingen habarlamada.
Osylaısha, Qyrǵyzstanda COVID-19 dıagnozymen 10 adam qaıtys boldy.
Qyrǵyz Respýblıkasynda búgin, 2 mamyr kúni 13 jańa juqtyrý oqıǵasy tirkelip, indet juqtyrǵandar 769-ǵa jetti. Olardyń 200-i medıtsına qyzmetkeri. 527 adam ınfektsııadan jazylyp, aýrýhanadan shyǵaryldy, olardyń 122-i medıtsına qyzmetkeri.
