Qyrǵyzstanda koronavırýs juqtyrǵandarmen 6,7 myń adam baılanysta bolǵan

BІShKEK. Kabar – QazAqparat - Qyrǵyzstanda COVID-19 koronavırýsyna shaldyqqan naýqastarmen 6 775 adam baılanysta bolǵan. Bul týraly Qyrǵyzstannyń Úkimet úıinde bolǵan brıfıngide Densaýlyq saqtaý mınıstri Nurbolot Úsenbaev málim etti, dep habarlaıdy QazAqparat Kabar agenttigine silteme jasap.

24 mamyr kúni elde COVID-19 vırýsyn juqtyrýǵa qatysty 38 oqıǵa tirkelip, indet juqtyrǵandar sany - 1 403 boldy. 980 azamat indetten jazylyp, aýrýhanadan shyqqan. On tórt adam qaıtys boldy.

Táýlik ishinde koronavırýsty taǵy eki medıtsınalyq qyzmetker juqtyrǵan.

Mınıstr medıtsınalyq qyzmetkerler arasynda COVID-19 dıagnozy qoıylǵan 275 adam tirkelgenin, sonyń ishinde 230 adam statsıonardan jazylyp shyqqanyn atap ótti.