Qyrǵyzstanda koronavırýs juqtyrǵan adamdar sany 14-ke jetti
NUR-SULTAN. QazAqparat - Qyrǵyzstanda koronavırýs ınfektsııasyn juqtyrýdyń taǵy eki oqıǵasy tirkeldi, dep habarlaıdy QazAqparat tilshisi Kabar agenttigine silteme jasap.
«Bir adam «Manas» áýejaıynyń burynǵy «Gansı» bazasynda ornalasqan observatsııalyq ortalyqta bolǵan jáne ol Frantsııadan kelgen. Kishi qajylyqtan kelgen ekinshi adam Bishkektegi «Aq keme» qonaqúıinde oqshaýlandyrylǵandardyń ishinen shyqty. COVID-19 vırýs juqtyrýdyń barlyq derekteri syrttan kelgen adamdardan anyqtalǵan», - delingen Koronavırýspen kúres jónindegi respýblıkalyq shtab aqparatynda.
Osylaısha, qazirgi ýaqytta Qyrǵyzstanǵa koronavırýs juqtyrǵandardyń sany 14 adamǵa jetip otyr. Onyń bireýi Djalal-Abad aýdanynyń Batken aýdanynda, 8-i Sozaq aýdanynda jáne úsheýi Osh oblysynyń Nookat aýdanynda tirkelgen.
