Qyrǵyzstanda Konstıtýtsııaǵa ózgerister engizý boıynsha referendým ótýi múmkin
ASTANA. QazAqparat - Qyrǵyzstanda Konstıtýtsııa ózgertilýi múmkin. Bul týraly jelide paıda bolǵan parlament spıkeri Chynybaı Týrsýnbekov pen Qyrǵyzstan sotsıal-demokratııalyq partııasy (QSDP) fraktsııasynyń lıderi Isa Omýrkýlovtyń qoly qoıylǵan qujattarǵa qarap aıtýǵa bolady, dep habarlady KırTAG.
Qujatta joǵaryda kórsetilgen depýtattar apparat basshysy Abdymanap Kýtýshevke kenesh.kg resmı saıtynda Konstıtýtsııaǵa ózgerister engizý týraly zań jobasyn jáne Konstıtýtsııaǵa ózgerister engizý boıynsha referendým ótkizý jaıly jarııalaýdy tapsyrǵan.
Parlament qujattardy maquldaǵan jaǵdaıda referendým aǵymdaǵy jyldyń kúzinde ótýi múmkin.
Qyrǵyzstan Konstıtýtsııasy el táýelsizdigi jyldary segiz ret ózgerdi. Alǵashqy Konstıtýtsııa 1993 jyly 5 mamyrda qabyldandy.
