Qyrǵyzstanda Konstıtýtsııaǵa ózgeris engizý jóninde referendým ótti
BІShKEK. QazAqparat - Qyryǵyzstanda jergilikti saǵat 18-00-degi málimetter boıynsha, konstıtýtsııalyq referendýmda saılaýshylardyń 30,41 paıyzy daýys berdi. Osyǵan baılanysty referendýmdy aldyn ala talapqa saı ótti dep baǵalaýǵa bolady, dep habarlady Qyrǵyzstannyń Ortalyq saılaý komıssııasynyń tóraǵasy Nurjan Shaıldabekova. Bul týraly «QazAqparat» HAA-niń Bishkektegi menshikti tilshisi habarlady.
Qyrǵyzstan OSK-nyń málimetteri boıynsha, referendýmda 2 851 952 adam nemese eldegi saılaýshylardyń 30,41 paıyzy daýys berdi. Saǵat 18-00-degi málimetter boıynsha, saılaýshylary erekshe belsendilik tanytqan óńirler Naryn oblysy (35,71 paıyz), Talas oblysy (34,58 paıyz), Jalal-Abad oblysy (32,40 paıyz), Ystyqkól oblysy (31,26 paıyz) boldy.
Aıta keteıik, jeksenbi, 11 jeltoqsan kúni Qyrǵyzstanda eldiń Konstıtýtsııasyna ózgerister engizý boıynsha jalpyhalyqtyq reserendým men jergilikti keneshterdiń saılaýy ótip jatyr.
Qyrǵyzstannyń 2010 jyldan beri qoldanyp kele jatqan Konstıtýtsııasyna ózgerister engizý týraly bastama Parlament quramyndaǵy birqatar partııalardyń ókilderi tarapynan kóterilgen bolatyn jáne bul bastamany el prezıdenti Almazbek Atambaev ta qoldady. Bul rettegi maqsat - avtorlardyń kózqarastarynsha, bılik tarmaqtaryndaǵy tepe-teńdikti qamtamasyz etý.
