Qyrǵyzstanda kólikterdi kóshkinnen qorǵaý úshin tonnel salynýda
ASTANA. QazAqparat - Bishkek-Osh tasjolynyń taýly ýchaskesinde avtomobılderdi qar kóshkini men tastyń qulaýynan qorǵaý úshin tonnel salynbaq. Bul týraly «Kabar» Qyrǵyzstan kólik jáne jol mınıstrligine silteme jasap habarlaıdy.
Vedomstvonyń deregi boıynsha, uzyndyǵy 450 metr bolatyn jabyq úlgidegi kóshkinnen qorǵaý galereıasy (tonnel) joldyń 246 shaqyrymynda, qar kóshkini jıi bolatyn Kochký-Býlak ýchaskesinde salynady.
Mundaı tonneldiń qurylysy úshin Japonııa 38,2 mln dollarlyq grant bóledi, dep habarlady Qyrǵyzstan kólik jáne jol mınıstri Jamshıtbek Kalılov Jogorký Keneshtiń bıýdjet jáne qarjy komıtetiniń otyrysynda.
Kóshkinnen qorǵaý galereıasy tabıǵı apattyń qaýpin seıiltýge múmkindik berip, kóshkinniń júrýi men tas qulaýynyń aldyn alady.
