Qyrǵyzstanda qol kúresinen ótken Azııa birinshiliginde qazaqstandyq sportshylar tabysty óner kórsetti
ORAL. QazAqparat - Qyrǵyzstan elinde qol kúresinen ótken Azııa chempıonatynda qazaqstandyq sportshylar asa tabysty óner kórsetti, dep habarlaıdy «QazAqparat» tilshisi.
Qol kúresinen BQO quramasynyń aǵa jattyqtyrýshysy Murat Ibatovtyń aıtýynsha, sonyń ishinde batysqazaqstandyq qol kúresi sheberleri de júldegerler qatarynan tabyldy. Atap aıtqanda, №4 balalar men jasóspirimder sport mektebiniń shákirtteri Qaısar Qabylov 85 kg, Kenjeqyz Qaýpenova 65 kg salmaqta áıelder jáne jastar arasynda ekinshi orynǵa ıe boldy. Sondaı-aq Súıesin Qumarov 80 kelide jasóspirimder arasynda qola júldege qol jetkizse, áıelderden Ásel Jumaǵambetova 80 kg salmaqta kúmis medaldi oljalady. 
