Qyrǵyzstanda kókónistiń arasyna jasyrylǵan geroınniń iri partııasy tabyldy

BІShKEK. Kabar-QazAqparat - Qyrǵyzstanda kókónistiń arasyna jasyrylǵan geroınniń iri partııasy tabyldy, dep habarlaıdy «QazAqparat» HAA Kabar agenttigine silteme jasap.

Batken oblystyń ishki ister basqarmasynyń málimdeýinshe, Qadamjaıda transulttyq esirtki arnasy anyqtalǵan.

Mılıtsııanyń dereginshe, Úshqorǵan aýylynda qaskúnemder kókónis jáshikteriniń arasyna jasyryp, Reseıge, odan ári Eýropaǵa iri geroın partııasyn ótkizbek bolǵan.

Aqparat mılıtsııaǵa kelip túskenshe qylmyskerler júkti tıep, jolǵa attanyp úlgergen. Degenmen tártip saqshylary jol qozǵalysy qaýipsizdigin qamtamasyz etý basqarmasy qyzmetkerlerimen birlesip júk kóligin Qarakól qalasyna jete bergende ustaǵan.

Tekseris kezinde 44 kg 300 gramm geroın tabyldy.