Qyrǵyzstanda koalıtsııalyq úkimet saqtap qalyndy
BІShKEK. 12 naýryz. QazAqparat /Arnur Rahymbekov/ -Qyrǵyzstannyń Jogorký Keneshindegi koalıtsııalyq parlamenttik kópshilikti quraıtyn úsh partııa keshe ótken kelissózdiń qorytyndysy boıynsha saıası odaqty saqtaý týraly sheshim qabyldady.
Bul jaıly baspasóz máslıhatynda «Birlik jáne damý» parlamenttik kópshilik koalıtsııasynyń tóraǵasy Qanatbek Isaev pen Qyrǵyzstannyń Sotsıal-Demokratııalyq partııasy fraktsııasynyń jetekshisi Chynybaı Tursynbekov málim etti.
BAQ ókilderimen bolǵan kezdesýde Qanatbek Isaev Jogorký Keneshtegi koaldıtsııalyq kópshiliktiń saqtalǵanyn resmı málim etti jáne onyń ydyraıtyny týralaqparatqa negiz joq ekenin atap kórsetti.
«Birqatar depýtattardyń tarapynan túrli saýaldar týyndaǵan bolatyn, olardyń bári búgingi kelissózdiń barysynda sheshimin tapty. Biz osyndaı kezdesýlerdi jıi ótkizip turý jáne ár fraktsııadan tórt depýtattan kiretin Koalıtsııa keńesin qurý týraly sheshim qabyldadyq», - dedi Ch.Tursynbekov óz sózinde.
Parlamenttik kópshilikke úsh depýtattyq fraktsııa: «Qyrǵyzstannyń Áleýmettik-demokratııalyq partııasy», «Ata jurt» jáne «Respýblıka» partııalary kiredi. Jogorký Keneshtegi koalıtsııalyq kópshiliktiń keleshek taǵdyryna qatysty birqatar máseleler týyndaǵandyqtan, juma kúni depýtattar kelissóz ótkizip, osy máselelerdi talqylaǵan edi.
