Qyrǵyzstanda kisi óltirgeni úshin izdeýde júrgen kúdikti Almatyda ustaldy

ALMATY. QazAqparat- Almaty polıtsııasy Qyrǵyzstanda adam óltirgeni úshin izdeýde júrgen kúdiktini ustady, dep habarlaıdy QazAqparat tilshisi.

Qyrǵyz Respýblıkasynyń Іshki ister mınıstrligi kisi óltirdi degen kúdikke ilingen 32 jastaǵy azamatqa izdeý jarııalaǵan.

Búgin, 13 mamyrda Almaty qalalyq Polıtsııa departamenti bastyǵynyń orynbasary Rýstam Ábdirahmanov kúdikti Almatyda ustalǵanyn habarlady.

«Kúdiktiniń Almaty qalasynyń aýmaǵynda jasyrynyp júrgeni týraly jedel aqparat kelip tústi. Jedel-izdestirý is-sharalary júrgizilip, nátıjesinde kúdikti ustalyp, Almaty qalasy PD ýaqytsha ustaý ızolıatoryna qamaldy», - dep jazdy ol Facebook-tegi paraqshasynda .

Sonymen qatar, ol kúdiktini ekstradıtsııalaý máselesi halyqaralyq sharttarǵa sáıkes sheshiletinin atap ótti.