Qyrǵyzstanda kıkboksıngten álem chempıony Rýslan Abasov mingen kólikti jaryp jiberdi
ASTANA. QazAqparat - Qyrǵyzstandaǵy Toqmaq qalasynda belgisiz qylmyskerler kıkboksıng boıynsha burynǵy álem chempıony Rýslan Abasov pen onyń jubaıy mingen Toyota avtokóligin jaryp jibergen.
Bul týraly Shý oblysynyń QІІB habarlady.
"Jarylys sportshy men onyń áıeli avtokólikke otyrǵan kezde oryn aldy, dep atap ótti QІІB. - Qazirgi ýaqytta oqıǵa egjeı-tegjeıli tekserilýde».
Abasov Toqmaq qalalyq aýrýhanasyna bara jatqan jolda kóz jumdy, al áıeli aýyr jaǵdaıda.
Oqıǵa ornynda saperler men krımınalıster jumys jasaýda, alaıda qylmyskerlerdiń qandaı jarylǵysh zatty paıdalanǵanyn aıqyndaı almaı jatyr.
Ótken onjyldyqtyń orta sheginde Abasov WBKF nusqasy boıynsha kıkboksıngten álem chempıony mártebesin jeńip alǵan, WAKO nusqasy boıynsha eki márte álem chempıony, WAKO ınterkontınentaldyq chempıony, Eýropanyń eki márte chempıony bolǵan. 2006 jyly 93 keliden astam salmaqta WBKF nusqasy boıynsha Eýrazııa chempıony atanǵan, dep habarlaıdy ITAR-TASS.
