Qyrǵyzstanda kıiz úı tigýden jańa rekord ornatyldy
ASTANA. QazAqparat - Qyzyl tý aýylynyń turǵyndary 9 mınýt 55 sekýndta kıiz úı ornatyp, jańa rekord jasady. Kıiz úıdi jyldam tigý baǵdarlamasy búgin Ystyqkól jaǵalaýynda ótken «Ton aalamy» týrıstik jármeńkesi aıasynda ótti, dep habarlaıdy turmush.kg .
6 adamnan turatyn komanda kapıtanynyń aıtýynsha, komanda quramy bul iske jattyqpaıdy, olar kıiz úıde týyp ósken. «Biz altaýmyz jyldam kıiz úı qurý úshin ádeıi jattyqpaımyz. Bizde aýylda ár otbasynda kıiz úı qurady, sondyqtan onyń egjeı-tegjeıin jaqsy bilemiz.
Ekinshi dúnıejúzilik kóshpendiler oıynynda biz 10 mınýt 16 sekýndta kıiz úı quryp Gran-prı alǵanbyz. Qazir 9 mınýt 55 sekýndta ornatyp, rekordty jańarttyq», - dedi komanda kapıtany Tolosýn Bektemirov.
