Qyrǵyzstanda kıbersporttan jarys ótkizgen teatr basshysy jaýapkershilikke tartylady
BІShKEK. QazAqparat - Qyrǵyzstanda kıbersport saıysyn teatr ǵımaratynda ótkizýge ruqsat bergen mádenıet mekemesiniń basshysyna shara qoldanylady, dep habarlaıdy QazAqparat «Kabar» agenttigine silteme jasap.
Eldiń Mádenıet, aqparat jáne týrızm mınıstri Azamat Jamanqulov Qyrǵyz ulttyq opera jáne balet teatrynyń basshylyǵy tártiptik jaýapkershilikke tartylady dep málim etti.
Ol atalmysh teatrda Dota-2 kompıýter oıynynan saıys ótkizýge mınıstrlik qarsy ekendigin jetkizdi.
«Mádenı oryndarda tek qana mádenı sharalar ótkizilýi tıis. Dota bul tujyrymǵa saı kelmeıdi. Sondyqtan basshylyqqa qatysty tártiptik sharalar qoldanylady», - dedi ol.
Onyń aıtýynsha, 21 qańtarda osy máselege qatysty tártip komıssııasy qurylady.
Agenttiktiń habarlaýynsha, eldiń basty teatrynda Dota-2 kıbersportynan saıys ótkizilýi jurtshylyqtyń narazylyǵyn týdyrǵan.
