Qyrǵyzstanda keıbir aýylsharýashylyq ónimderine baǵa jasandy túrde arttyrylyp otyr
BІShKEK. 31 qańtar. QazAqparat /Arnur Rahymbekov/ - Qyrǵyzstannyń Aýyl sharýashylyǵy mınıstrliginiń baspasóz qyzmeti qyrǵyzstandyq óndirýshilerdiń etine suranystyń artyp otyrǵanyn atap ótip otyr.
Olardyń oıynsha, bul birneshe faktorǵa baılanysty: etke álemdik baǵanyń ósýi; álemdik aýqymda halyq sanynyń artýy; elde mal basyn burynǵy aýqymda saqtaı alatyn iri sharýa qojalyqtarynyń tapshylyǵy: valıýta kýrsynyń qarqyndy artýy.
2010 jyldyń on bir aıynda Qyrǵyzstannan et eksporty 1093,4 tonnany qurady, ol 2009 jyldyń kórsetkishterinen eki ese artyq. Mınıstrliktegilerdiń pikirinshe, «ónimniń keıbir túrlerine baǵa jasandy túrde arttyrylyp otyr, óıtkeni kórshi respýblıkalarda suranysqa ıe aýylsharýashylyq ónimderi zańsyz túrde jáne orasan kóp mólsherde jáne qymbat baǵaǵa áketilip jatyr».
