Qyrǵyzstanda qazaqstandyq azamattar daýys beredi (FOTO)
BІShKEK. QazAqparat - Saǵat 07.00-de Qyrǵyzstan Respýblıkasynda QR elshiligi bazasynda qurylǵan №214 saılaý ýchaskesi jumysyn bastady.
Túske qaraı tizimge tirkelgen 219 saılaýshynyń 60-y daýys berip úlgerdi. Olardyń ishinde konsýldyq esepte turǵan jáne turaqty turatyn, sondaı-aq Qyrǵyzstan aýmaǵyna ýaqytsha kelgen stýdentter men azamattar bar.
Ýchaskege qazaqstandyqtar otbasylarymen birge kelip daýys berýde.
Saılaý ýchaskesinde TMD parlamentaralyq assambleıasynan shetel baqylaýshylary jumys isteýde. Mıssııa basshysy Imanqadyr Rysalıev ýchaske jumysy qanaǵattanarlyq dárejede ekenin aıtty.
«Birneshe partııalar usynylǵan saılaý naýqany Qazaqstanda parlamentarızm men plıýralızmniń damý deńgeıin kórsetedi. Búgingi saılaý qazaqstandyq qoǵamnyń saıası ómirindegi mańyzdy oqıǵa bolyp tabylatyny shyndyq. Ol eldiń áleýmettik-ekonomıkalyq damýynan kórinis tabatyn bolady», - dep óz pikirin bildirdi I. Rysaldıev.
