Qyrǵyzstanda qaza tapqan reseılik alpınısterdiń esimderi belgili boldy
ASTANA. QazAqparat - RF Qyrǵyzstandaǵy bas konsýly Alekseı Ovsıannıkov lifenews-ge 29 shildede Lenın shyńyna shyǵý kezinde qaza tapqan reseılik alpınısterdiń esimderin aıtty.
Budan buryn habarlanǵandaı, qaıǵyly jaǵdaı 29 shildede Odessa shyńynan tómen túsý (bıiktigi 4810 metr) kezinde oryn alǵan.
«Toppen 29-y saǵat 23:00-de baılanys úzildi. Olardyń múrdesi 31 shildede taý eteginen tabylyp, 2 tamyzda QR TJM kúshimen Osh qalasyna jetkizildi. RF azamattary qar aralas jańbyr jaýyp turǵan shaqta toppen arqan arqyly túsip kele jatqanda, ol úzilip ketken. Bas konsýldyq alpınısterdiń múrdelerin eline jetkizý máselesimen aınalysýda, - degen Ovsıannıkovtyń sózin keltiredi lifenews.
Konsýldyq derekteri boıynsha, 1984 jyly týylǵan S. Shpız, 1985 jyly týylǵan I. Poselıanıchev, 1985 jyly týylǵan P. Morkovskıı kóz jumǵan.
Eske salsaq, qaza tapqandardyń ishinde taǵy bir polshalyq alpınıst bar.
