Qyrǵyzstanda qaýipsizdik qyzmetkerleri 7,5 keli geroınmen ustaldy
ASTANA. QazAqparat - Qyrǵyzstan memlekettik ulttyq qaýipsizdik qyzmetiniń (MUQK) burynǵy jáne qazirgi qyzmetkerleri zańsyz esirtki bıznesimen aınalysqany úshin tutqyndaldy, dep habarlaıdy akipress.org .
Tergeýdiń málimetine súıensek, 7 naýryz kúni Qyrǵyzstannyń MUQK jáne ІІM Jeke qaýipsizdik qyzmeti birlesip júrgizgen jedel jumysy barysynda zańsyz esirtki saýdasyna qatysy bar MUQK-nyń burynǵy jáne qazirgi qyzmetkerleri ustalǵan.
Júrgizilgen is-shara nátıjesi boıynsha, zańsyz aınalymnan 7,5 keli geroın alyndy.
Qylmystyq jan jaqty jáne obektıvti tergeý maqsatynda materıaldar ІІM Bas tergeý basqarmasyna ótkizilgen.
Qazirgi tańda tutqyndalǵandar Bishkek qalasyndaǵy ІІB ýaqytsha ustaý abaqtysyna qamaldy.
