Qyrǵyzstanda qasqyr úıge kirip ketip, ishtegilerge shabýyl jasady
BІShKEK. QazAqparat - Qyrǵyzstanda qasqyr úıge basa kókteı kirip, balaǵa shabýyldaǵan, dep habarlady Bishkektegi «QazAqparat» HAA menshikti tilshisi Qyrǵyzstan TJM baspasóz qyzmetine silteme jasap.
«Keshe, 10 qarashada, saǵat 20.00-der shamasynda qutqarýshylar mılıtsııaǵa Naryn oblysy Kochkor aýdany Aq-Jar aýylyndaǵy úılerdiń birine qasqyr kirip ketip, 2005 jyly týǵan tórtinshi synyp oqýshysyn qaýyp alǵany týraly qońyraý shalǵan», - delingen habarlamada.
Balanyń ákesi qasqyrdy dereý atyp úlgergen. Oqıǵa ornyna veterınarııalyq jáne fıtosanıtarlyq qyzmetiniń mamandary kelip qasqyrdy zerttedi. Saraptama nátıjesi ázirge daıyn emes.
Ul bala aýdandyq aýrýhananyń hırýrgııalyq bóliminde jatyr.
