Qyrǵyzstanda qarjy pıramıdasyn jarnamalaǵandarǵa jaýapkershilik kúsheıdi

BІShKEK. QazAqparat – Qyrǵyzstanda qarjy pıramıdalaryn jarııa túrde jarnamalaǵandarǵa jaýapkershilikti kúsheıtetin «Qyrǵyz Respýblıkasynyń Qylmystyq kodeksine ózgerister engizý týraly» zańǵa qol qoıyldy, dep habarlaıdy QazAqparat tilshisi Qyrǵyz Respýblıkasy Prezıdentiniń baspasóz qyzmetine silteme jasap.

Qujatqa sáıkes, Qyrǵyz Respýblıkasy Qylmystyq kodeksiniń 221-baby qarjylyq pıramıdany jarııa túrde jarnamalaý, buqaralyq aqparat quraldaryn jáne ınternet-resýrstardy paıdalana otyryp, asa iri kólemde zalal keltirýmen baılanysty jaýapkershilikti belgileıtin jeke normamen tolyqtyryldy. Qarjy pıramıdalaryn jarnamalaý úshin 1500-den 2000 aılyq eseptik kórsetkishke deıin (1718 dollardan 2290 dollarǵa deıin) aıyppul qarastyrylǵan.

Buǵan deıin Qyrǵyzstan ІІM-niń 2022 jylǵy derekteri boıynsha qarjy pıramıdalarynyń zańsyz qyzmeti faktileri boıynsha 1052 qylmystyq is qozǵalǵany habarlanǵan bolatyn. Zardap shekken qyrǵyzstandyqtardyń sany myńnan asty. Keltirilgen materıaldyq shyǵynnyń mólsheri 273 mıllıon som jáne 1,5 mıllıon AQSh dollarynan asady. Kóbinese alaıaqtardyń qurbandary - eldiń iri qalalary Bishkek pen Osh, sondaı-aq Shý, Naryn, Ystyqkól, Talas, Jalal-Abad oblystarynyń turǵyndary.