Qyrǵyzstanda qara metall synyqtary men qaldyqtaryn eksporttaýǵa moratorıı engiziledi
BІShKEK. QazAqparat - Qyrǵyzstan Eýrazııalyq ekonomıkalyq odaqtyń kedendik aýmaǵynan tysqary elderge qara metall synyqtary men qaldyqtaryn eksporttaýǵa ýaqytsha tyıym salýdy usynyp otyr, dep habarlaıdy QazAqparat menshikti tilshisi.
Qyrǵyzstan Respýblıkasy Mınıstrler kabınetiniń baspasóz qyzmetiniń habarlaýynsha, tyıym qara metaldardyń synyqtary men qaldyqtaryna, qaıta balqytýǵa arnalǵan qara metall quımalaryna (shıkiquramalyq quımalar) qatysty.
Mınıstrler kabınetiniń qaýlysyna sáıkes, Qyrǵyz Respýblıkasy Ekonomıka jáne kommertsııa mınıstrligine Dúnıejúzilik saýda uıymy men Eýrazııalyq ekonomıkalyq komıssııaǵa moratorıı engizilgeni týraly habarlaý, QR Syrtqy ister mınıstrligine TMD Atqarýshy komıtetin, memlekettik keden qyzmeti men UQKU Shekara qyzmetin habardar etý, taýarlardy zańsyz shyǵarýdyń jolyn kesýge baǵyttalǵan qajetti sharalardy qabyldaý tapsyryldy.
Tyıym salýdy jarty jylǵa engizý usynyldy.
Foto: www.blrt.ee
