Qyrǵyzstanda qar kóshkini oqýshylar tobyn basyp qaldy, olardyń ekeýi ajal qushty
ASTANA. 23 jeltoqsan. QazAqparat - Qyrǵyzstannyń ońtústik-batysynda qar kóshkini oqýshylar tobyn basyp qaldy, olardyń ekeýi ajal qushty, dep habarlaıdy Rosbalt.
Qaıǵyly oqıǵa Osh oblysynyń Qara Qulja aýdanynda boldy. Balalar qyrdan shańǵy teýip oınap júrgen, saldarynan eki qyz bala mert boldy. Taǵy eki ul túrli jaraqttarmen aýrýhanaǵa jetkizildi, olardyń densaýlyq jaǵdaıy aýyr. Bul týraly ITAR-TASS-qa eldiń Tótenshe jaǵdaılar mınıstrliginen málim etti.
Aldyn ala málimetter boıynsha, qar kóshkini astynda 25 bala qaldy. «Qalǵan oqýshylar qutqarýshylar men jergilikti turǵyndardyń kómegimen qutqarylyp qaldy. Qazirgi ýaqytta jaǵdaıdyń barlyq mán-jaıy anyqtalýda», - dep atap ótti vedomstvoda.
