Qyrǵyzstanda qar kóshkini bolǵan jerde eki adam joǵalyp ketti
ASTANA. QazAqparat - Qyrǵyzstannyń Jalal-Abad oblysynda qar kóshkini bolǵan jerde eki adam izdestirilip jatyr. Bul týraly QazAqparat Kabar aqparat agenttigine silteme jasap habarlaıdy.
Eldiń Tótenshe jaǵdaılar mınıstrliginiń habarlaýynsha, 16 aqpanda Ala-Býka - Jany Bazar - Kırovka tasjolynyń 80-90 shaqyrymynda qar kóshkini júrip, bul ýchaskede Mercedes-Benz shaǵyn avtobýsynyń júrgizýshisi men jolaýshysy qalyp qoıǵan.
Oqıǵa ornyna Chatqal aýdandyq memlekettik ákimshiligi basshysynyń orynbasary, qutqarýshylar men DEÝ júk kóligi attanǵan-dy.
Alaıda, qar kóshkini júrý qaýpi joǵary bolǵandyqtan jumys toqtatyldy.
Shaǵyn avtobýs júrgizýshisi 16 aqpan kúngi saǵat 17:30-dan beri baılanysqa shyqpaǵan.
Osyǵan baılanysty 5 qutqarýshy oqıǵa ornyna arnaıy kólikpen shyqty.
Alaıda jol ýchaskesine kólikpen jetý qıyndyq týdyrýyna baılanysty izdeý jumysyn jalǵastyrý úshin jaıaý júrýge týra keldi.
Qosymsha aqparat keıinirek beriledi.
Foto: kabar.kg
