Qyrǵyzstanda qalyńdyqty 1100 dollar men 4 qoıǵa baǵalady
ASTANA. 19 sáýir. QazAqparat - Qyrǵyzstannyń Noqat aýdanynyń bıligi qalyńdyqtyń qalyń maly 50 myń somnan joǵary (1100 dollar shamasynda), tórt qoı jáne eki teń maqta bolýy qajet degen sheshimge keldi, dep habarlaıdy BNews.kz saıty.
«Qyrǵyzstannyń Noqat aýdyny ákimshiliginiń «Úılený toıy shyǵyndary men qalyń mal mólsherin azaıtý týraly» qaýlysy toı kerýeniniń tórt avtomobılden artyq bolmaýyn jáne kortejde qymbat mashınalardy paıdalanbaýyn qarastyrady», - dep habarlaıdy VVS.
Daǵdarys kezindegi qalyńmal tóńiregindegi pikirtalastar qazir órship tur. Bázbireýler qazir memleket úshin ótepeli qıyn kezeńde artyq shyǵyndardy shaqtaýdy qoldasa, ekinshileri qoǵamda baǵzy zamandardan qalyptasyp qalǵan ata-babadan kele jatqan dástúrdi saqtaýdy jaqtaıdy. Túrli málimetter boıynsha, Qyrǵyzstan halqy jyl saıyn «otbasylyq salt-dástúr» úshin 2 mlrd dollar jumsaıdy eken.
