Qyrǵyzstanda qalyńdyq qalyńmaldy alyp, qashyp ketken
ASTANA. QazAqparat - Oshta 70 myń som qalyń mal alǵan qalyńdyq raıynan qaıtyp, izin sýytqan. Bul týraly KırTAG «Impera grýpp» zań kompanııasynyń basshysy Emıl Djapakbaevqa silteme jasap habarlady.
«Jigit qalyńdyq úshin qalyń mal bergen soń, qyz aqshany alyp qashyp ketken. Somasy 70 myń somdy quraıtyn qalyń maldy qaıtarmaǵanyna bir jyl bolyp qalǵan. Barlyǵy ata-ana deńgeıindegi kelisim boıynsha júzege asqan. Jastar jarty jyldaı kezdesip júrgen. Qyz 22, al jigit 26 jasta», - dedi E.Djapakbaev.
«Jigit qyzben sóılespek bolǵan. Alaıda qalyńdyq basynda aýyryp qaldym dep, keıin múlde izin sýytqan. Ata-anasy da jigitpen kezdesýden aýlaq bolyp, keıin qyzdarynyń qaıda ekenin bilmeıtinin aıtqan», - dedi zańger.
Onyń sózine qaraǵanda, japa shegýshi zańgerlerdiń keńesine júgingen, alaıda Osh prokýratýrasyna shaǵymdanýdan bas tartypty.
Zańger atap ótkendeı,Qyrǵyzstanda qalyń mal zań boıynsha rettelmegen. Alaıda kináli tulǵalar Qyrǵyzstannyń QK 166 baby boıynsha jaýapkershilikke tartylady.
Atap óteıik, Qyrǵyzstannyń otbasy kodeksi qalyń malǵa tyıym salmaıdy jáne oǵan ruqsat ta bermeıdi.
