Qyrǵyzstanda qalyń qar jaýyp, aýdandardyń birinde tótenshe jaǵdaı rejımi engizildi

BІShKEK. QazAqparat - Qyrǵyzstannyń Narynqol oblysy At-Bashınsk aýdanynda aýa raıynyń qolaısyzdyǵyna baılanysty tótenshe jaǵdaı rejımi jarııalandy, dep habarlaıdy QazAqparat Qyrǵyzstan Respýblıkasy TJM-niń baspasóz qyzmetine silteme jasap.

Vedomstvonyń málimetinshe, At-Bashınsk aýdanynyń Arpa alqabynda aýa-raıynyń kúrt ózgerýine jáne qardyń kóp túsýine baılanysty maly bar 5 otbasy (867 sıyr jáne 1400 qoı) jaıylymda qar qursaýynda qaldy. Aýa raıynyń qolaısyzdyǵy birneshe janýardyń ólimine sebep boldy. Malshylar mal azyǵynyń jetispeýine baılanysty bılikten kómek surady.

Qurylǵan jedel top 680 oram shóp jetkizdi. Qazirgi ýaqytta jol ashyq.

Jedel kómek kórsetý jáne Aq-beıit, Besh-Sary, Ichke eldi mekenderindegi jaǵdaıdy retteý úshin arpa alqabynyń komıssııasy 2023 jylǵy 3 mamyrdan bastap aýdanda TJ rejımi ýaqytsha jumys isteıdi.

Gúlmıra Ábdirahmanova