Qyrǵyzstanda qala meri úsh aılyq qyzdy 8 naýryz merekesimen quttyqtady
ASTANA. QazAqparat - Osh qalasynyń meri Aıtmamat Qadyrbaev 8 naýryz - Halyqaralyq áıelder merekesimen Qyrǵyzstannyń 6 mıllıonynshy azamaty úsh aılyq qyz Aılın Qojoshevany quttyqtady. Bul týraly kyrtag.kg habarlady.
Qala basshylyǵynyń baspasóz qyzmetiniń habarlaýynsha, Aıtmamat Qadyrbaev sábıge oıynshyq jáne túrli táttiler syılap, onyń anasy Rahat Belekovadan Aılınniń qalaı ósip jatqandyǵyn suraǵan.
«Bul onyń alǵashqy kóktemi, biz sábıdiń birinshi 8 naýryz merekesimen quttyqtaý múmkinshiligi týǵanyna qýanamyz. Qyzdyń ózine jáne otbasylaryńyzǵa shyn júrekten baqyt tileımin», dedi Osh qalasynyń basshysy.
Qyzdyń anasy qala basshysyna alǵys aıtty.
«Aılın búgin 3 aı 9 kúnge toldy. Ol jaqsy ósip keledi», - dedi R.Belekova.
Eske sala ketsek, Qyrǵyzstannyń 6 mıllıonynshy azamaty Aılın áskerı qyzmetker Almaz Qojoshov pen Rahat Belekovanyń otbasynda ótken jyly 25 qarashada dúnıege kelgen.
