Qyrǵyzstanda ınflıatsııa men kedeılik deńgeıi ósedi dep boljanyp otyr
Bank esebine sáıkes, eldegi ınflıatsııa 2022 jyly 15% jetip, keıin qalypty bolady, bıýdjet tapshylyǵy ósedi, biraq orta merzimdi perspektıvada ol JІÓ-niń 3%-ynan da ári tómendeıdi.
El ekonomıkasy áli de altyn óndirýge (JІÓ-niń 10% jáne eksporttyń 35%), aqsha aýdarymdaryna (JІÓ-niń 25%) jáne syrtqy kómekke qatty táýeldi ekeni atap ótiledi.
COVID-19 pandemııasy Qyrǵyzstan ekonomıkasyna qatty áser etti. Pandemııa kezinde ondaǵy JІÓ 8,4% qysqaryp, kedeılik kórsetkishi 2019 jylǵy 11,7%-dan 2020 jyly 18,7% deıin ósken.
Dúnıejúzilik bank boljamynsha, kúnine 3,65 dollarǵa ómir súretin halyqtyń úlesi 2021 jylǵy 21,8%-dan 2022 jyly 25,5% deıin ósedi.
Kedeılik deńgeıiniń ósýi, eń aldymen, azyq-túlik baǵasynyń kóterilýi, naqty tabystyń tómendeýi jáne jumyspen qamtý múmkindikteriniń shektelýine baılanysty.
El úkimetiniń zeınetaqyny ulǵaıtý, halyqtyń osal toptaryn áleýmettik qorǵaý baǵdarlamalaryn qamtýdy keńeıtý boıynsha qabyldaǵan sharalary ınflıatsııanyń joǵary deńgeıi men eńbek tabysynyń joǵalýynan týyndaǵan keleńsiz saldardy azaıtýǵa kómektesedi.